Num,

lungatg

¹     Il num da questa uniun secloma 'Uniun da giuventetgna Gonda–Dulezi–S. Gions' e vegn scursanius cun las lettras 'UGG'.

²     Il lungatg ufficial dalla uniun ei romontsch.

Domicil,

in­tschess

¹   L'uniun ei domiciliada a Mustér.

²   Ella cumpeglia las suandontas parts dil vitg: Catins, Cuppa, Dulezi, Gonda, Rieven, Ruosna e Sogn Gions.

³   Suandontamein vegnan quellas parts numnadas unicamein 'Gonda'.

Fuorma feminina

Per motivs da simplificaziun vegn ei per part desistiu dalla fuorma feminina en quests statuts.

Unitad ed amicezia

¹   Suprem intent dalla uniun ei da promover e consolidar l'unitad e l'amicezia denter la giuven­tetgna da Gonda.

Vegls usits

²   Plinavon ei l'uniun intentada da mantener e cultivar nos vegls usits:

– Sontgaclau;

– far tschupials.

De­termina­ziuns generalas

¹   Esser commember d'ina autra uniun da giuventetgna – cun excepziun dalla Uniun da giuven­tetgna Mustér – ed esser el medem mu­ment commember da nossa uniun, ei buca pusseivel.

²   Nua ch'ils statuts prescrivan nuot auter, ha mintga commember il dretg d'elecziun activ e passiv.

Extrada

¹   Commembers che maridan ni ch'elegian ina clamada ecclesiastica, sorteschan automaticamein dalla uniun.

²   Commembers che secaseschan ordeifer igl intschess dalla uniun, restan per ordinari com­members dalla uniun. Els san denton extrar da quella cun il consentiment dalla radunonza generala.

³   Dalla extrada d'auters commembers decida la radunonza generala.

⁴   Commembers che sorteschan dalla uniun tenor alinea 2 e 3, pagan ina taxa d'extrada da 50 francs.

Exclu­siun

¹   Commembers che donnegieschan l'uniun ni surpassan sapientivamein ils statuts, san ve­gnir sclaus dalla uniun.

²   Quei sa denton mo succeder alla radunonza generala e cun il consentiment da 4/5 dils pre­sents.

Com­members

activs

¹ Commembers activs ein tuts commembers naven da lur recepziun entochen alla radunonza generala da quei onn ch'els cumple­neschan il trentavel onn da naschientscha.

²   Commembers activs han d'ademplir tuttas obligaziuns statutaricas.

³   Scadin commember activ paga annualmein ina contribuziun da 30 francs.

Com­members

passivs

¹   Commembers passivs daventan automaticamein tuts commembers activs alla radunonza ge­nerala da quei onn ch'els cumple­neschan il trentavel onn da naschientscha.

²   Commembers passivs gaudan ils medems dretgs sco ils commembers activs, ein denton relaschai dallas obliga­ziuns, special­mein dalla contribuziun annuala.

Organs

Ils organs dalla uniun ein:

a) la radunonza generala;

b) la suprastonza;

c) ils revisurs.

De­terminaziuns generalas

¹     Scadina radunonza sto vegnir publicada silmeins diesch dis avon a scret ni a bucca persu­nalmein a mintga com­member.

²   Scadina radunonza communicada ei habla d'agir.

³   Scadin commember pren part allas radunonzas. Tgi ch'ei impedius, seperstgisa tier la su­prastonza.

⁴   Alla entschatta da mintga radunonza vegnan las perstgisas inoltradas prelegidas.

⁵   Scadina radunonza communicada vegn protocollada.

⁶   Elecziuns e conclus vegnan fatgs cun maun pli, sin giavisch era cun scrutini.

Ra­dunonza

generala

¹ La radunonza generala ei suprem organ dalla uniun.

² Ella vegn tenida annualmein silmeins quater jamnas avon Sontgaclau.

³ Suandontas tractandas ein reservadas per la radunonza generala:

   – elecziun da dumbravuschs

   – prelecziun dil protocol dalla davosa radunonza generala;

   – rapport annual dil president;

   – rendaquen dil cassier;

   – rapport dils revisurs;

   – recepziun dils commembers novs;

   – elecziuns da suprastonza e dils revisurs;

   – program d'unviern.

Ra­dunonza

ordinaria

¹   La radunonza ordinaria vegn tenida annualmein il meins da mars ni d'avrel.

²   Suandontas tractandas ein reservadas per la radunonza ordinaria:

– elecziun da dumbravuschs

– prelecziun dil protocol dalla davosa radunonza ordinaria;

– program da stad.

Radunonza

extraordinaria

¹   Radunonzas extraordinarias san vegnir clamadas da tut temps sin conclus dalla suprastonza ni sin giavisch dad 1/5 da tut ils com­members.

²   Radunonzas extraordinarias remplazzan buca las radunonzas generalas ni ordinarias.

De­terminaziuns generalas

¹   La suprastonza secumpona:

a) dad ina presidenta ni in president;

b) dad ina actuara ni in actuar;

c) dad ina cassiera ni in cassier;

d) dad ina schefa ni in schef da material.

²   Per daventar commember dalla suprastonza ston ins esser silmeins dus onns ella uniun.

³   La suprastonza secumpona da silmeins in representant, respectiv da silmeins ina represen­tanta da l'autra schlat­teina.

⁴   Commembers dalla suprastonza stattan silmeins dus onns el medem uf­feci.

⁵   Els astgan buca demissiunar pli che dus en ina el medem mument.

⁶   La suprastonza astga buca consister da treis ni dapli persunas dalla medema famiglia.

⁷   Per cass necessaris sa la suprastonza disponer d'ina summa da 300 francs ad onn. Expen­sas pli grondas ston vegnir purtadas avon ina radunonza generala, ordina­ria ni extraordinaria.

Presi­denta ni

president

¹   Il president funcziuna sco cau dalla uniun e representa quella anoviars.

²   El meina tuttas radunonzas.

³   El ei responsabels per l'execuziun digl entir program da lavur tschentaus si dallas radunon­zas.

⁴   Il president publichescha tuttas radunonzas sco era las autras occurenzas menadas atras dalla uniun.

⁵   El conserva tuts cudischs da protocols pleins ed ulteriurs documents dalla uniun.

⁶   El meina ina gliesta exacta da tuts commembers dalla uniun.

⁷   Duront sia perioda d'uffeci paga il president negina contribuziun annuala.

Actuara ni

actuar

¹   Igl actuar ei el medem temps vicepresident e substituescha il president en cass d'absenza.

²   El protocollescha exactamein mintga radunonza generala, ordinaria ed extraordinaria en in cudisch da protocols.

³   Igl actuar prelegia ils protocols.

Cassiera ni

cas­sier

¹   Il cassier ei responsabels per caussas da finanzas.

²   El procura igl incasso, ei responsabels per ina exacta controlla da cassa ed incassescha las contribuziuns an­nualas.

³   El paga ils quens dalla uniun cun il consentiment dil president.

⁴   Alla radunonza generala renda il cassier quen da sia gestiun.

⁵   El meina ina cartoteca exacta da tuts commembers dalla uniun.

Schefa ni schef

da ma­terial

¹   Il schef da material conserva tut igl uorden da Sontgaclau e da far tschupials, sco era ulteriur uorden dalla uniun.

²   El ei responsabels che quel seigi intacts per il diever.

De-

terminaziuns generalas

¹   Alla radunonza generala vegnan dus revisurs elegi.

²   Per daventar revisur ston ins esser silmeins dus onns ella uniun.

³   Ils revisurs stattan silmeins dus onns en uffeci.

⁴ Els astgan buca esser fargliuns, plinavon era buca dalla medema famiglia sco    commembers dalla su­prastonza.

Incarica

¹   Avon la radunonza generala controlleschan ils revisurs tut ils quens ed igl entir inventari dalla uniun.

²   Alla radunonza generala rapporteschan els davart la lavur dalla suprastonza, specialmein quella dil cassier, e dalla col­labora­ziun dils commembers.

De­terminaziuns generalas

Scadin commember separticipescha al program da lavur. Tgi ch'ei impedius, seperstgisa tier la su­prastonza.

Son­tgaclau

¹   Igl usit da Sontgaclau vegn tenius annualmein la sonda entuorn ils 6 da december, se­drizzond suenter la fixa­ziun da datum dil vitg.

²   Per quei usit valan las directivas tenor il suandont artechel.

1. Til da Sontgaclau

¹   Igl usit da Sontgaclau vegn tenius annualmein la sonda entuorn ils 6 da december, se­drizzond suenter la fixa­ziun da datum dil vitg.

²   Per quei usit valan las directivas tenor il suandont artechel.

a) 1 Sontgaclau, b) 1 fumegl ner, c) 1 ner, d) 1 pauper da tortar, e) 3-6 fumegls, f) 1-3 asens

³   Duront il til dat il Sontgaclau tuttas ordras.

⁴   Fumegl vegl' daventan quellas ni quels che han funcziunau gl'onn avon sco Sontgaclau.

⁵   L'incarica dil 'pauper' surprendan mintgamai ils dus commembers ils pli giuvens che han aunc mai surpriu quei post.

⁶     Alla radunonza vegn fixau in local da sescumiar che funghescha sco local da basa per il til.

⁷   Il schef da material procura ch'igl uorden da Sontgaclau seigi avon maun ad uras.

⁸   La suprastonza calculescha e cumpra las victualias per il til, nominalmein spagnolettas, man­da­rinas etc., sco era auter uorden.

⁹     Per las uras dil til vegn fixau mintgamai in deposit per quei uorden per sur e sut la lingia.

¹⁰ Ils dus tils da Sontgaclau ein obligai da visitar tuttas casadas da Gonda che giavischan   ina viseta.

¹¹ Medemamein ein els obligai da visitar communablamein la Casa s. Gions e la casa   pervenda.

¹² La suprastonza fixescha l'ura da viseta cun la Casa s. Gions e cun la casa pervenda.

¹³   Duront il til – seigi quei en casas privatas, en Casa s. Gions, en casa pervenda, ni en     auters loghens – ei tutta consumaziun d'alcohol scumandada.

¹⁴ Suenter il til da Sontgaclau han liug sco usitau la tscheina ed il sulaz.

¹⁵ Per ils participonts dil til vegnan tscheina e sulaz pagai ord cassa dalla uniun.

¹⁶ La radunonza fixescha ils loghens da tscheina e da sulaz.

¹⁷ La suprastonza procura per l'organisaziun.

Tschu­pials

¹   Tschupials vegnan fatgs:

     a) sin lur ordra per commembers che maridan;

     b) dalla uniun anora per commembers che bandunan l'uniun entras finir lur veta terrestra;

     c) dalla uniun anora per commembers che elegian ina clamada ec­clesiastica.

²   Commembers che maridan dattan part alla suprastonza silmeins quater jamnas avon, sch'els vulan schar far tschupi per lur nozzas.

³   Per mortoris sa era vegnir pagau in matg da bara ord la cassa dalla uniun.

⁴   Rimnau daischa e fatg tschupials vegn da cuminonza.

⁵   Il recav che seresulta dils tschupials va en cassa dalla uniun.

⁶   A mintga participonta e participont vegn pagau silsuenter in sitg ord cassa dalla uniun.

Ulteriur program

da lavur

¹   Igl ulteriur program da lavur vegn tschentaus si dallas radunonzas.

²   La suprastonza procura per l'execuziun.

³   Per occurenzas che pretendan ina participaziun finanziala da mintga commember, nomi­nal­mein viadis ed excur­siuns, vegn tschen­tau si in preventiv.

⁴   Ei quel vegnius quintaus en memia bass, pagan ils participonts la differenza. Cass cuntrari resta la diffe­renza en cassa dalla uniun.

Cum­ponents

¹   Igl inventari dalla uniun el senn stretg secumpona:

     – digl uorden da Sontgaclau;

     – digl uorden da far tschupials.

²   Igl inventari dalla uniun el senn vast secumpona plinavon:

     – dil daner en cassa e sin banca.

Administraziun

¹   La controlla digl inventari el senn stretg vegn prida avon digl actuar.

²   Il cassier (art. 19) ed ils revisurs (art. 22) procedan sco prescret.

Revisiun

¹ Per reveder parzialmein quests statuts eis ei necessari che 2/3 dils presents dalla radunonza ge­nerala dettien lur consenti­ment leutier.

²   Per reveder totalmein quests statuts eis ei necessari che tut ils presents dalla radunonza ge­nerala dettien lur con­sentiment leutier.

Statuts

¹   Entras l'approbaziun dalla radunonza generala dils 5 da november 1994 passan quests sta­tuts immediat en vi­gur.

²   Cheutras ein tuts anteriurs statuts, nominalmein quels dils 17 da november 1979, cass.

La presidenta:

Ursina Giger

Igl actuar:

Alfred Gadola

La cassiera:

Eveline Giossi

La schefas da material:

Marina Huonder e Marina Lombris