scret dad Ursina Giger.

Oremus dil Sontgaclau da Gonda, Dulezi e Sogn Gions pigl onn 2008 – igl onn
dallas grondas votaziunums e crisas da finanzums.

L’America ha in niev president, il Baracka Obama! In president che scriva gia
historia avon ch’el ha insuma prestau enzatgei. Quei hai pilver aunc mai dau! Da quei um vegn spitgau miraculorums, mo Sontgaclau sedamonda sch’igl ei insuma pusseivel da pinar tut ils sbagliums catastrofalums ch’il Gieri Caglia ha fatg duront ses otg onns d’uffezi. Oh tgei pauper schani!

Mo buca mo ell’America va tut sutsurum! Sontgaclau ha stuiu constatar, che quels da Berna ein gnanc tec megliers e dian nuota adina la verdad. Entschiet ha tut cul Samuel Fravi. El leva buc purtar puglinums, mo quei ei stau in sbagl fatalum, che ha menau alla pensiun anticipadum. Schi spert sa quei ir, Sontgaclau fuss leds sche quei fuss era schi sempel per el!

Cun quei tamtam, che quels schi numnai cussegliorums federalums han fatg, eis eibuca stau da smarvegliar ch’il collega Merz ha giu in collaps terriblum. La suletta cheha profitau da quei teatrum ei stada nossa Evelina dils Schlumpfs! Tgei cletg per ella! Nies Christoffel dalla Chemia ha aunc buc’avunda dils tamtorums dil club da cussegliorums. Quels da Berna denton, havessen mattei pli grond plascher digl Ueli Miradur. Sa nua che quei meina?

Pli gronds quitaus ch’ils cussegliers federals, fa la buorsa a Sontgaclau. Quellas stoda aczias! Sontgaclau haveva tertgau dad esser intec modernums e cumprar aczias dalla UBS, mo ohà! Tgei sbagl fatalum!

Ils sulets che paran buc dad haver cumprau da quels pupials smaledi ein ils paders da nossa venerabla claustorum, pertgei che schiglioc savessen els buc construir in tal palastum vi Salaplaunum cul star-architectum da Vrin. Lein sperar che quella construcziun da lennum vegn buca puspei in’unfrenda dallas flommas!

Quella Salaplauna ei bein in liug satanum. Oravontut la storta gronda fa miseriums a certins giuvenoters. Senza bigliet e cugl auto engulau dil bab sut il tapun han ei tertgau dad ir sin via directa dalla plaunca giu a Fontanivas. Tgei catastrofum! Nies Sebastian da tortas leva era inagada ir cul vehichel da Sontgaclau, mo mirei tgei pauper ch’el ei ussa!

Uonn ha era la casa da vegls giu sventirum. Laderums misterius han alzau ora las finiastrums dil biro dalla Rita, priu il tresorum, purtau quel tochen sin plaz scola, cargau quel egl auto e naven eran ei. Negin che ha viu enzatgei! Quels laders han giu dapli cletg che verstand!! Mo tgi ha era in tresorum ch’ins sa semplamein purtar naven? Hainomol!

Sontgaclau ha denton era viu bunas caussas egl onn 2008. Nies vitget alpin sededesta puspei. Mo senza igl agid dils Svedes fuss quei buc stau pusseivel. Els han conquistau il Brunni e battiau quel Nangijala. Tgei che biars san buc, quei vul dir cucagna sin svedes. Sa sch’il signur Schwarzum ha plascher da quei?? Mo era il Martin Pendiculara ha schau dar el tgau zatgei pils turis. Si Caischavedra dat ei ussa ina bar, che vesa ora sc’in iglu ed ei vegn aunc adina speculau sche la venerabla Treglia arva gleiti puspei las portums. Tontas bars dat ei gie gnanc en tiel tuaschins!

Aschia ha la giuventetgnum forsa buca pli liung’urialum e vegn buca puspei sil’idea da far il sprayen ils mirs da nossas bialas punts.

Igl onn 2008 ei era staus igl onn dils gronds spectaculums da sport. La EM08 en
Svizra ed ell’Austria ha giu grond success. L’entira tiara era ballaballa, era sch’ils
Svizzers ein buca vegni lunsch. Mo cun quei eri mattei da quintar! Silmeins han ils schuobs buca saviu festivar la gronda victoria!

Dall’olimpiada a peking han ins udiu dapli da scandalums da doping che da resultads da sport. Tut quels tapaloris, che han giu il sentiment, ch’els sappien prender perlas senza ch’ei sefetgien en zatgei, han sbagliau malameinum!

Mo basta! Sontgaclau ha ussa finiu cun ses lamentums e commentariums e spera de saver turnar sauns e frestgs in auter onn, speronza senza stuer prender doping. Lu quentan el e sia fumeglia de saver far in sitg ella Treglia dil Martin!

Per dominum nostrum et in saecula saeculorum. Viva… äh … Amen!