Scret da Gion Hosang.

Sco quei ch’igl ei da Sontgaclau eis ei igl emprem da far ina massa lavur. Uonn han nossas giuvnas schau ora cups e mussau als da Vitg tgi che sa far mams. Il pac da mams ch’ils da Vitg repartevan haveva en treis mams. Pachetaus en eran quels ch’ei veseva ora sco enzatgi ch’ins ha gia duvrau inagada (cunquei che quellas paginas ein publicas scrivel jeu buca tgei).

Basta! Emporta nuot. Nus havevan bials zatgets cun en ina flotta purziun mams. E buns eran ei era!

Il venderdis ha la Daniela procurau per tut igl uorden da Sontgaclau e deponiu quella en scola. Quei ei denton aunc ditg buca stau tut. Naven dil suentermiezdi tochen la sera tard ha ella ensemen cun la Riccarda e l’Andrea fatg pops da pasta. Gie veramein da quels originals! Ei era in deletg da mirar co quels ein vegni fatgs.

Era la stanza ha stuiu vegnir decorada per la fiasta che dueva suandar la notg da Sontgaclau. Il pli grond problem era da far funcziunar tut quella tecnica dalla fu.....a. Ei ha denton pli u meins funcziunau.

La sonda suenter miezdi vegn ei lu denton empau pli serius. Ei vala da sepinar per il til. Sevestgir mirar tgi che pren tgei e lu finalmein va ei liber.

Il Sontgaclau, vul dir il til, ei staus uonn puspei ina gada fetg leghers. En emprema lingia ei il pauper da tortas (ch’ei ha dau uonn mo sut lingia) staus ina atracziun per sesez. Ina gada eis el ius per caglias e daus dalla greppa giuadora, l’autra gada eis el vegniu duront ir per caglias sper ina autostrada sut in camiun da 40 tonnas ni ch’el ei semazzaus cun skis. En mintga casada stueva quei pauper schani vegnir gidaus si dretg suenter ch’il Sontgaclau haveva priu ina torta.

Il meglier ei schabegiau tier "la talianera". Il buobet ha purtau al sontgaclau dus maletgs. Il Sontgaclau e sia suita han fatg in dètg hantieri per contemplar quel ed han buca saviu con fetg ludar. Il pignet ei tuttenina naven. In cuort mument pli tard vegn el cun in tierz maletg. Il Sontgaclau e sia fumeglia contemplan quel e fan cumpliments schegie che negin sa propi tgei che duess esser sin quei maletg. Suenter haver contemplau quei empauet volva il Sontgaclau il maletg. E pren mira. Il maletg ha si in tozzel buls cun il datum dils 3 da schaner 2003. Cul Sontgaclau a tschecau quei fa el si per ils presents «Quei ei il melgier calender che jeu haiel survegniu! Quel ha mo in datum!» In fumegl che ha buca saviu serrar la bucca di lu aunc sin quei: «e quei ei aunc il faliu!»

Gie quella fumeglia era quella sera fetg maltratga! Hailansacum! Suenter tut quei ch’il Sontgaclau raquintava havevan els da dar in tup commentari. Aschia savess il commentari: «quei ei ligiongia» e lu «Brrraaatwurscht ...»

Allas 12.00 uras eran ils biars lu era puspei en scola e spitgavan sin la tscheina. Quella leva buca vegnir. Aber eba ... Quels coga cuschiniers san gnanc co ins tschenta en las plattas! Ei ha lu tuttina dau ina pintga spaghettata.

Suenter la spaghettata ha ei dau duas gruppas ed ina partida memory. Quels che han gudignau han astgau eleger denter far uorden en stanza ni lavar giu la vischala e la cuschina.

Commembers dalla suprastonza che demissiuneschan vegnan pil pli buca senza in castitg libers da lur jobs. Aschia ei quei era uonn stau il cass tier la Cornelia, il Marco ed il Beat. Els han survegniu il pensum da sevestgir cun gasettas e cun bindel da cola. E quels buns commembers ch’ein extrai ord la suprastonza san tschintschar da clétg che la sera/notg ei stada aschi spert a fin. Pinau tier eran aunc bein enqual supresa per els...

E lu eran aunc las novizzas cheu. (Il noviz Severin era buca presents.) Ellas han giu da far enzatgei tut spezial. Damai ch’ei vegn sin tut ils emiturs da televisiun encuretg il star havein nus tartgau fagein nus il medem. Allas novizzas havein nus smaccau in disc cumpact cun tetels da karaoke. Ei setractava tut da tetels pli vegls che paun e latg che mintgin enconuscha. En mesa ura han ellas giu da studegiar en in tetel e suenter presentar quel avon ils auters commembers.

Quei ha buca fatg grond starment ad ellas. Ella stanza nua che nus sescumiein han ellas saviu trenar. Quei ch’ellas savevan buca era che nus havevan zuppau ella medema stanza ina camera e che nus savevan mirar tut - aschi da dir live.

Il problem era mo ch’ellas stevan en in aschi tup liug che nus udevan mo ellas. Nies commember passiv Fabian pdh1 ha lu surpiu il job da menar mintgamai la camera en la direcziun dallas giuvnas e quei secapescha senza ch’ellas s’encorschien quei.

Il Fabian ei semplamein in genie! El menava mintgamai la camera senza che quei seigi curdau si ad enzatgi. Suenter mesa ura cun empau bonus ;-) ein ellas lu arrivadas en stanza tier nus ed han presentau lur canzun.

Ils davos (Cornelia, Alfred e mia paucadad) ein ir a casa la dumengia endamaun suenter beiber in cafè el buffet dalla staziun dallas 8.30 uras a casa. Il pli fit da nus era aunc la Cornelia.

A tut quellas e quels ch’ein stai ed ein segidai lessel aunc admetter in grond engraziament.

Viva il Sontgaclau dall’ugg!!