8-8-2004, 04:45

Sin meisa sper la tastatura stat ina scadiola caffe tievi. Haiel gest mess naven las restonzas duvreivlas da nossa grillada. Il rest schai aunc enzanua en garascha e spetga ch’enzatgi s’empatschi giudlunder.

Suenter haver mess miu telefonin vid il current haiel era gest retschiert in SMS. La Cornelia ha vuliu saver sche nus hagien giu ina stupenta sera. Deplorablamein ha ella per quella gada buca saviu surprender la rolla dil "hocker". Sperein che quei gartegi l’autra gada.

7-8-2004, 17:30

Ei ha gest entschiet a draccar propi bein. Sch’ins havess contemplau empau el quartier da Gonda il cunfar, havess ins bein viu che dus commembers dall’ugg communicavan cun smanis x enzatgei nuncapeivel. Forsa levan ei era scatschar la plievgia cun ils smanis.

18:00

Ei ha calau da plover. Il GM cun siu GM-Mobil ed igl actuar ein sin via tier il president. Leu vegn cargau si la cumpra che quel ha fatg. La proxima staziun ei stau Dulezi ni pli exact la bargia da lenna dil GM. Leu havein communablamein cargau si ina dètga carga lenna. La tiarza staziun ei stada il tunel nua che aunc empau supias, schischeras e secapescha il luxusmodel da musica (incl. girader da dc’s cun scumiader automatic per 20 dc’s) ei vegnius cargaus si.

18:10

Arrivai sin il plaz per la grillada eran la Riccarda ed il Reto gia leu vid far fiug. Ei ha denton puspei entschiet a plover. La lenna ed il baun ch’era gia leu havein nus lu cargau sil GM-Mobil ed havein transportau sut la punt. Beinspert ei ina fueina stada eregida ed in fiug ha ardiu en quella. Nus havien lu aunc survegniu visetas dil "Bauchi" (saiel buca sch’ins scriva quei aschia) e lu entschiet en cun in pign apéro.

19:02

Il telefon dil president ha entschiet a vibrar. La Sonja damonda schebein nus meinien atras nossa sera da grillar. Naturalmein. La punt detti in flot suttetg. Cuort suenter ha ei entschiet ha suflar aschia che la plievgia pudeva tier e quels ch’eran sut la punt en. Quei ei denton stau mo cuort.

19:21

La Sonja, l’Angelina ed il Thomas arrivan. Els gidan nus cun igl apero. La musica plai a tuts il fiug brischa prima e suenter haver filosofau schebein il cametg sappi dar en sut ina punt ni buca havein nus lu era saviu metter nos tiers morts sin il grill. Igl Alfred e la Riccarda han lu mirau che quels vegnian lu era barsai en uorden. Suenter haver magliau lemprema runda enten star sin peis per il GM-Mobil ein ils buns commembers lu era sefatgs en ch’ei seigi pli emperneivel da seser entuorn il fiug.

23:00

Suenter haver magliau stuppent han ils emprems lu era gia priu cumiau da nus. Ils trei ch’ein vegni pli tard han era gia priu la via sut ils peis respectiv sut las rodas ed ein ir encunter Mustér. Schebein els ein ir a casa savein nus buca. Sche Ti has marveglias lu damonda sez els.

Pli tard ch’ei vegn e pli grondas che las discussiuns ein.

8-8-2004, 04:00

La lenna entscheiva ad ir a fin. Avon ch’il fiug mondi veramein a fin havein nus lu aunc rimnau ensemen tut quei che schischeva entuorn ed essan era i enviers casa.

05:26

Era il president ha ussa fatg cun quei rapport sia lavur e selegra sin il létg.

A tut quellas e quels ch’ein stai dalla partida ed ein segidai in grond engraziement e tochen in’autra gada.

Sperel ch’ei bugli buca gest da sbagls. Jeu haiel il sentiment che jeu gartegi buca propi ils dretgs bustabs sin mia tastatura.

Il president

11:39 - agiunta dalla Riccarda

Jeu creiel strusch che vus vegnis sissu tgei ch`jeu haiel semiau questa damaun fetg marvegl ed avon miezdi!!!!! ?

Tier mei ha ei berschau igl entir temps!!!!

Tgei stress ch`jeu haiel giu, meglier sche jeu fussel insumma buca ida a letg!

Il stress haiel zwar giu en`autra cuntrada (nunenconuschenta) che quei che nus essan stai a grilar, la glieud era per part era autra, mo il pli impurtont - ei ha barschau, e quei ei quei che vala e secapescha il punct calminont!

Ei era in uaul leu, massa sablun e cu nus levan ir a casa, entscheiva igl uaul a barschar. Tgei caussas, Gion ha immediat enflau in stezzafiug (curios, mo ei era aschia) ed era vi da dar tut, per ch`il fiug sestezzi. Jeu secapescha sundel currida e level allermar il cass. Sper igl uaul e la riva cun sablun (bein capiu, aua era ei negliu dentuorn e pluviu ha ei buca milimeter) era ei in „riesen“ baghetg, enzatgei sco il Louvre a Paris. Treis extrem grondas casas pendidas ina vid l`autra sco in „n“.

Sundel currida en quella casa e da scala si, quella era lunghezia (scala), mo tuttina ha ei enflau fin. Cu jeu level entrar ei igl esch gest sessaraus avon miu nas ed jeu haiel aunc pudiu veser che Jris e Helena ein ir viaden. En quella stanza era melitarists ed in biro da cummandants. Haiel lu manegiau ch`ellas allermeschien il schabegiau als melitarists e sundel puspei currida da scala giu per gidar Gion.

Tgei cletg che jeu aundel lu il svegliarin e sun  vegnida onavon, pia saiel buc sco ilg ei iu ora, mo aschi in menaschi? Havess gest saviu far empaglia l`entra sera e notg!!! (e gliez fuss stau donnira!)