Scret da Gion Hosang, 2006.

La radunonza ordinaria ha giu liug ils 22 d'avrel 2006. Quella gada ha ei dau in novum tier l'uniun da giuventetgna. Damai ch'il hotel Bellavista era emplanius dil talitè ha la radunonza giu liug el hotel Rhätia. Schiglioc havein nus buca vuliu midar memia bia (empau tonscha gie ;-) ). Sco usitau ei la radunonza vegnida aviarta cun rodund diesch minutas retard.

La presidenta ha astgau beneventar 17 commembras e commembers - quei che munta a presapau la mesadad. Las tractandas eran cuortas.

L'elecziun dil dumbravuschs ei stada la suletta elecziun ch'ei ha dau. Suenter il protoest digl actuar - el veseva buca il Fredy - eil il Tomas vegnius elegius sco dumbravuschs.

Igl actuar ha prelegiu il protocol. Quel ei denton buca vegnius approbaus unanimamein. La Sonja era bu propi cuntenta cun quei ch'era scret en quel sur dad ella. Jeu crei ch'ella ha fatg il propiest da mai pli dir enzatgei duront ina radunonza ;-)

Tier la tractanda "program da stad" ha ei lu era buca dau bia da discutar: In comite d'organisaziun per la sera famigliara ei vegnius elegius. Quel seconstituescha ord las suandontas commembras: Ursina Giger, Andrea Hosang e la Sonja Schmed. Ellas treis procureschan ch'ei detti ils 3 da zercladur ina stupenta sera per nossas convischinas e convischins.

Era ina grillada ei planisada. Quella vegn menada atras ils 5 d'uost 2006 a Brulf. Quintau eis ei ch'era aunc autras uniuns (sche buca tuttas) da Mustér separticipeschien. Lein mirar tgei bargada che serimna quella sera a Brulf.

Sut varia ei lu aunc vegniu tschintschau in per caussettas ed oravontut ei vegniu engraziau alla presidenta per sia gronda lavur. Quei vegn lu era aunc sutlingiau cun in frenetic applaus. La presidenta fa denton era aunc attens ch'ella metti a disposiziun siu post da presidenta cun la radunonza generala! Pia vala ei per nus da studegiar tgei che vul suprender quella lavur pils dus onns d'uffeci vegnents.

Cu la radunonza ei propi ida a fin saiel buca pli - per quei dat ei denton in actuar che fa in protocol pli exact che jeu! En scadin cass ei la radunonza vegnida serrada e tuttas e tuts ein semess sin via encunter DIVA e co. ni encunter casa.