Helena Casanova (menadra da project)

Helena Casanova ei naschida ils 10 da fevrer 1982. Ella lavura a Buchrain (LU) sco coiffeusa e nailista. Cun saltar ir cun skis, zambargia e bardigliar passenta ella il temps liber. Il bardigliar e zambergia ei segir in dils motivs daco che Helena ei vegnida sin l'idea da menar atras il project AVENZIO.

Tgi che ha ina gada fatg ina viseta alla Helena sa ch'ella far regularmein talas midadas en si'atgna habitaziun. «Aschia dat ei enzatgei niev per la sera famigliara e nus savein gia ussa far enzatgei ensemen cun nos vegnent commembers dall'UGG.» Di Helena. Sin la damonda tgei ch'ella spetgi da quei project die ella: «Nus sperein da saver cuntentar ils geniturs sco era ils affons e secapescha sperel ch'ils commembers hagien era plascher e passentien aschia entginas bialas uras communablamein.»

Jris Casanova ei naschida ils 3 da matg 1978. Ella ei scolasta da scola da lavur ella vischnaunca da Sumvitg. Ils hobis dall'Jiris ein, saltar, ir cun töff, far cuorsa liunga, viagiar, spassegiar e leger.

Sco presidenta dall'UGG ei ella secapescha responsabla per il project AVENZIO ensmen cun sia sora. Sin la damonda daco ch'ella seigi dalla partida tier quei project die ella: «Igl ei ina gada enzatgei niev ch'ei segir aunc buca vegniu fatg dad in'uniun da giuventetgna ed ultra da quei» di Jris vinavon «savein nus far in'acziun cun l'uniun ed el medem mument segidar cun enzatgi.»

Per l'uniun spera ella ch'ei detti in bien project nua che l'uniun contonschi communablamein in bien resun.

Gion Hosang (camera / tagl)

Gion Hosang ei naschius ils 31 da schaner 1979. El ei cuschinier ed informaticher. El temps liber ei fa Gion films, fotografias e cun temps e peda legia el bugen in bien cudisch.

Gion separticipescha al project AVEZIO UGG peruqie ch'ella astga puspei ina gada giugar il paparazzo, ni detg auter el ei responsabels per il film che vegn mussaus a caschun dalla sera famigliara. «AVENZIO UGG ei enzatgei spezial. Da quellas acziuns san ins encurir cun latiarna tier las uniuns da giuventetgna.» Di Gion. El spera cun quei project da rinforzar ils contacts enteifer l'uniun e da saver presentar allas vischinas e vischins enzatgei interessant.

Sonja Schmed ei naschida ils 7 da zercladur 1982. Ella lavura sco assistenta da farmazia ell'apoteca a Mustér. Ella ei commembra dallas Bagordas e dat era bugen unihoc. La Sonja va bugen en sortida ed a kino.

La Sonja separticipescha al project AVENZIO UGG perquei ch'ella sa separticipar vid il program dall'uniun. Ella manegia: «Quei vegn segir super legher da far aschia enzatgei cun l'uniun.» Ella spera era ch'ei detti enzatgei cool per Flavia e Serafin.

L'Andrea Hosang ein naschida ils 22 d'uost 1983. Ella lavura alla staziun da Mustér sco disponenta da viafier tier la viafier Retica. Era ella ei commembra dallas Bgordas e lai encrescher pil tscheiver naven digl emprem di che quel ei a fin. Per surmontar il temps senza tscheiver va ella cun aissa ni a viagiar. L'Andrea va dentonera bugen a viagiar.

Ella separticipescha al project AVENZIO UGG per saver segidar cun l'uiun ed esser da cumpignia. «Zambergiar, dar colur eav. fetschel jeu fetg bugen» di Andrea. En quei project sappi ins far enzatgei productiv e far in plascher allas famiglias.

L'Ursina Giger ei nascnida ils 6 d'uost 1985 e studegia el mument a Turitg. Ella fa e teidla fetg bugen musica. Leger e sprort ein ulteriurs hobis dad ella.

Sin la damonda, dacho ch'ella separticipeschi al project AVENZIO UGG, raquenta ella: «Jeu hai plascher da zambergia e midar entuorn mia stanza.» Da quellas acziuns fetschien bein all'uniun. Ella spera ch'ils participonts hagien bia motivaziun e ch'ei detti in bi di.

La Marina Lombriser ei naschida ils 2 d'uost 1989 ed absolvescha el mument la scola mercantila a Glion. Ella fa bugen sport, aschia ch'ella dat unihoc, ballapei e va cun skis. Era dar tschutti ed il pc quentan tier ses hobis. Buca muncar astga lu denton era la sortida.

«Jeu hai plascher da saver far enzatgei ensemen cun las autras commembras e commembers dall'uniun» raquenta Marina. Ella miri ella era bugen da quellas emissiuns en la televisiun. Ella speri denton era da saver far in plascher allas famiglias cun la lavur che l'uniun presti.

La Daniela Hosang ei naschida ils 11 d'october 1981. Ella lavura sco cussegliadra da clientela privata tier la banca cantunala a Glion. Ella ei commembra dalla pli gronda musica da tscheiver dalla regiun, numnadamein ellas Bagordas. Ir a spass, mirar in bien film el Kino ed ir en sortida ein utleriurs hobis dalla Daniela. Ella far era sport. Igl unviert entaupan ins ella sin pista.

Ella vegli passentar ensemen cun las commembras ed ils commembers dall'uniun in per legras uras, rispunda ella sin la damonda, daco ch'ella separticipeschi al project. «Sun spanegiada, tgei che quei vegna dar!» aschunta ella vinavon. Ella speri da forsa era saver emprender enzatgei per ella, enzatgei ch'ella sappi lu ina gada era duvrar cu ella hagi da far enzatgei semagliont.

Gion Michel Flepp ei naschius ils 13 da fenadur 1974 e quei ton sco jeu sai a Cumpadials. El lavura sur sesez ed ei miradur da clientella. El temps liber observescha el bugen animals e va siadora ellas muntognas per far fiugs. Quei che astga secapescha buca muncar tier in fiug ei ina fiasta.

Il GM sco nus schein ad el ei atgnamein buca obligaus da segidar cun l'uniun, damai ch'el ei commember passiv. Buns sco el ei ha el denton buca saviu dir na a nossa presidenta, cu ella ha dumandau sch'el segidi vid nies project. «Jeu quettel lessig da luvrar ensemen cun vischinas e vischins e cun la giuventetgna!» Ha nies GM detg ed ei segidaus tut quei ch'el ha pudiu. Engraziel fetg GM!