Cun il project AVENZIO UGG havein nus visitau la famiglia Bundi. Leu ha l'uniun fatg remadura e midadas en la combra dil Serafin.

Il Serafin Bundi ei naschius ils 28 da schaner 1995 e va ussa ella 4. classa cheu a Mustér. El temps liber anflan ins il Serafin sil plaz da ballapei, vid far judo, ni enzanu sin pista cun sia aissa da rodas (Rollbrett).

El ei oravontut fan digl FC Basel, denton era dallas squadras dalla Brasilia, Portugal, Barcelona e Real Madrid. Buca da smarvegliar ch'el ha bugen las colurs blau, tgietschen, mellen e vert.

Ei dat denton era tiel Serafin caussas ch'el po buca haver: Aschia vegn el strusch a s'annunziar voluntariamein a casa da lavar giu vischala. Vinavon po el era buca haver sch'ei vegn fatg uriara.