Scret da Gion Hosang, 2006.

Las emissiuns da televisiun AVENZIO (PRO7) ni "Einsatz in vier Wände" (RTL) gaudan dapi in temps gronda popularitad. L'uniun da giuventetgna Gonda ha priu in exempel dallas huslias damas dalla televisiun che fan ord stanzas cun pauca atmosfera veras oasas per pign e grond.

Secapescha ch'ei funcziunescha buca diltut sco tier la televisiun. La gronda differenza ei che las famiglias ston purtar sez ils cuosts. Il manpower denton vegn dall'uniun. Per che las convischinas ed ils convischins hagien era enzatgei da quei spectachel vegn l'entira caussa filmada e presentada alla sera famigliara (10-06-2006).

Sco emprem ha ei giu num d'encurir enzatgi ch'ei promts da schar far nus enzatgei vid ina stanza. Nus havein lu era anflau duas famiglias ch'ein promtas da far cun nus quei experiment. Igl ei la famiglia Christina e Corsin Bundi e la famiglia Daniela e Raimund Schnoz.